Querémosvos amosar pequenos anaquiños da nosa aula, aos que nós damos moita importancia.
Éste é o noso lema dende o inicio de ciclo.
Para poder traballar ben temos un contrato de normas entre todos e coa
mestra. Ás veces cóstanos un pouco seguilas, pero o importante é que o
intentamos!
Temos o cartel dos puntos que nos axuda a acadar premios ao final da
semana!!! Pero para iso temos que portarnos, moi moi ben!!, seguindo as normas do contrato. Por agora
imos por bo camiño.
Para non amontonarnos no baño temos unha sinal que nos indica se está libre ou non.
Tamén
temos o semáforo do ruído, pois ás veces falamos un pouquiño de máis, e
axúdanos a controlarnos. Segundo nos portemos vai cambiando de cor e así
nós sabemos cómo debemos portarnos.
Na aula todos e cada un de nós somos importantes, por iso todos e todas temos todos os días a nosa responsabilidade, e para saber cal é a nosa temos o cartel dos encargados.
Este ano cada mesa é un barco, e cada barco ten 4 encargados (Capitán do silencio: deben controlar que no seu barco non se fale alto, e estar en silencio cando a tarefa o precisa. Pirata do tempo: deben controlar que cada neno ou nena do seu barco traballe e remate as tarefas, axudando a que non se despisten. Mariñeiro: É o encargado de repartir o material para o seu barco e controlar que na mesa só estean os materiais necesarios para realizar a tarefa. Patrón: É o encargado de notificar as incidencias que ocorren no barco).
Un dos espazos aos que lle temos máis cariño é ao dos recunchos. Aquí podemos ir cando rematamos as tarefas a tempo e nos queda un pouco de tempo para gozar daquilo que nos gusta, quen remata primeiro... antes escolle!
Nos recunchos temos variedade de xogos: quebracabezas, plastilina, pinchos, xogos numéricos, bingo, parchís, xogo da oca, construcións, deseña modas, xogos de palabras, dominós, xogos de parellas, barallas numéricas....
Ésta é a nosa biblioteca de aula. Temos variedade de libros e podemos levalos para a casa, pois a mestra ten un rexistro das nosas lecturas. As familias podedes animarnos a coller libros para ler!
Tamén temos un cartel que nos lembra cando estamos de aniversario.