Como xa sabedes, a nós encántanos a plástica e unha das últimas que fixemos este curso foi ben divertida. Decidimos traballar con arroz, pero só branco non dabe xogo, así que tinguímolo de cores!!! Encantounos poder converter o arroz en cores bonitas (empregamos colorantes alimenticios) e logo empregámolo para decorar unhas bolboretas. Esperamos que vos guste.
Primeiro puxemos uns puñadiños de arroz nunhas bolsas, botámoslle o colorante da cor que queríamos tinguir e tamén unha culler de alcohol, mesturamos ben e.....
Aquí está o resultado! Quedounos tan chulo que tivemos que resistir as ganas de darlle un bocado, parecían doces... ummmmm!!! Agora tiñamos que deixalo secar.
Agora xa podemos poñernos "mans á obra". Esta plástica requería de moita paciencia, creatividade e pulso (para que quedase cada gran de arroz ben pegado).
Aquí tendes algúns exemplos dos nosos resultados. Bonitos, non si?
Ningún comentario:
Publicar un comentario