Recomendacións para o verán

A mestra quere comunicarnos algo moi importante:

 

Despois do curso escolar, os nenos e nenas precisan e merécense descansar, divertirse e sobre todo xogar. Pero non hai que esquecer o esforzo que fixeron para aprender, polo que nas vacacións de verán corren o riso de esquecer parte do aprendido e de “desconectar” do hábito de traballo.

Para evitar iso e, sempre con carácter voluntario, déixovos unha serie de materiais e enlaces que poderedes realizar ao longo do verán (un pouco cada día).

Á hora de realizar as tarefas débense ter en conta as seguintes indicacións:

• Lugar: Cómodo, con boa iluminación, lugar tranquilo (afastado de posibles ruídos distractores como por exemplo a TV), e só co material necesario para realizar a tarefa.
• Tempo: Un pouquiño todos os días ( e segundo se achegue a data de comezo de curso, poderanse aumentar os tempos).
• Axuda: Que alguén lle revise o que fai, para correxir erros e que eles se sintan motivados á hora de realizalos, pois o que fan é importante para alguén.
• Calidade: Que lean con calma os enunciados, facer boa letra, ser limpos na presentación da tarefa, etc.

Quero destacar a importancia da lectura diaria, e sería recomendable que lesen un libro que lles apeteza. Para a lectura non hai que esquecer unhas regras básicas:

• Respectar as pausas.
• Ler entoando correctamente.
• Vogalizar ben coa velocidade e entoación axeitadas, sen interrupcións nin retrocesos (fluída).
• Ler silenciosamente sen mover os beizos.
• Seguir a lectura sen necesidade dunha guía (dedo).

Por último, agradecervos a vosa colaboración ao longo do ciclo e desexarvos unhas moi boas vacacións.

A mestra.